U·IATTIMGIPAONI
SHILLONG: Adita salrangna skang, National People’s Party (NPP)-ni dilgiparang tom·aniko ong·atangenba, party-ni dilgiparangko chu·gimik gital dake seoktaina chanchirimangaha.
Koborko on·ani gitade, NPP-ni dilgiparangko chu·gimik gital dake seokpiltaina miksongengani gimin a·dokni state president WR Kharlukhi-ni biapoba bakan gital dilgipako seokskaani cholrang dongenga.
Ia tom·anio da·o ong·enggipa pilak MLA-rang, gitcham MLA-rang aro party-ni pilak dilgiparangba bakko ra·angenba, NPP-ko gital dake taritaiani bidingo chanchiangaha ine kobor on·aha.
Re·baenggipa bilsion Lok Sabha aro District Council election-rangko ong·atengani election-na candidate-ni bimingrangkoba parakatjolchina gita ia tom·anio NPP-ni dilgiparangko diditokaha.
Koborko on·ani gitade, NPP-ni da·o state president ong·enggipa WR Kharlukhi, Assembly election-na skangan, kamtangko watna sikenga ine chittiko on·atahachim indiba da·ona kingkingan uni biapo gital president-ko songkujaengachim.
