SHILLONG: Meghalaya-oni sak 26 student-rang Sikkim-o chi bana a·sel ong·anio jachange donggi-parangko sorkari, simsak-naljoke rimbapilaha.
October 6 tariko gari busko watatahachim, jean Sonibar atamo studentrang baksa Inter State Bus Terminal (ISBT)-ona sokbaa-ha. Meghalaya-oni watat-gipa bus gari sak 26 bi·sarangko rime Siliguri gita re·baaha.
Student-rangni naljoke sokbapilaniko nike Chief Minister Conrad Sangma, kusi ong·aniko parakataha. “Sikkim-o Meghalaya-oni sak 31 student-rang poraigipa donga. Jeoni sakbongade noktang-tangona an·tangtangan jotton ka·e sokbaaha, indake bangki student-rangkoba rimbapilaha.”
Sikkim-o a·sel ong·ao neng·nikako man·gipa-rangna, Directorate of Higher and Techinical Education’s Additional Director A Ali aro Deputy Director FB Ramsiej- uamang baksa agangrikatna cholko on·ahachim.
Iarangni gisepon Cabinet Minister Paul Lyngdoh-ba jachange donggipa student-rangko naljoke rimbapilna kam ka·enga ine aganaha.
A·dok sorkarini parakani gitade, Sikkim-o jachang-gipa student-rangko nal-joke rimbapilna chu·gimik kamrangko ka·aha. Sorkari, ia koborko man·a jolan on·tisaba ru·utgijan kamko a·bachengataha.
Uandake basako student-rang noktangona sokbagen ine sing·on, “mikka nama aro ramani obostao pangchaka, ramani obostarang ta·raken nama ong·ode, bi·sarang ta·rake sokbagen” ine aganchakaha.
Minggipin Meghalaya Police-ba Sikkim-ni police baksa bakrime kam ka·enga. Student-rang salgni salgit-tamni gisepo sokbana gnang. Sikkim-o chi ban-nanio sianggiparang mija sak 30 gapjok, sak 141 manderang gimakugipaoni sak 62 manderangrang tangkugipako man·pilaha. Gimik sak 25,000 man-derang neng·nikaniko man·enga nok te 1,200-ko man·pakangaha. Saksa Army-ni manggisiko Soni-bar salo WB-oniko man·a.