U·IATTIMGIPAONI
SHILLONG: Meghalaya-oni sak 26 student-rang Sikkim-o chi bana a·sel ong·anio jachange dongenga.
Indake Sikkim-o jachanggipa student-rangko dakchakna Meghalaya sorkari, helpline nombor 1800 345 3644-ko a·bachengataha.
“Sikkim-o Meghalaya-oni sak 31 student-rang poraigipa donga. Jeoni sakbongade noktangtangona an·tangtangan jotton ka·e sokbaaha, indake bangki student-rangkoba nokona rimbapilna jotton ka·enga.”
Sikkim-o a·sel ong·anio jemangan neng·nikako man·tokenga, uamang Directorate of Higher and Techinical Education’s Additional Director A Ali aro Deputy Director FB Ramsiej- uamang baksa agangrikatna man·gen ine Chief Minister, Conrad K Sangma, X-o post ka·ataha.
Iarangni gisepon Cabinet Minister Paul Lyngdoh-ba jachange donggipa student-rangko naljoke rimbapilna kam ka·enga ine aganaha.
A·dok sorkarini parakani gitade, Sikkim-o jachanggipa student-rangko naljoke rimbapilna chu·gimik kamrangko ka·enga. Sorkari, ia koborko man·a jolan on·tisaba ru·utgijan kamko a·bachengataha.
Uandake basako student-rang noktangona sokbagen ine sing·on, “mikka nama aro ramani obostao pangchaka, ramani obostarang ta·raken nama ong·ode, bi·sarang ta·rake sokbagen” ine aganchakaha.
Minggipin Meghalaya Police-ba Sikkim-ni police baksa bakrime kam ka·enga. Student-rang salgni salgittamni gisepo sokbana gnang.