U·IATTIMGIPAONI
WILLIAMNAGAR: Sombar salo, Tribal Cooperative Marketing Department Federation of India Limited (TRIFED), East Garo Hills District Administration, PRIME Start-Up, DCIC, MBDA, MBMA aro MSRLS baksa nangrime, Tribal Artisans Empanelment Mela-ko Williamnagar-ni DRDA Hall-I-o ong·atangaha aro ia Mela-ko ong·atanio, East Garo Hills a·jani dingtang dingtang biaprango jakni kamrangko ka·e cha·enggipa manderang, an·tangtangni tarigimin bosturangko mesokna aro palna sim·na gita cholrangko man·aha.
Ia Tribal Artisans Mela-ko East Garo Hills a·jani Additional Deputy Commissioner aro Williamnagar Municipal Board-ni Chief Executive Officer (CEO) RN Sangma, do·ga oe on·angaha aro ia mela-ko ong·atanio New Delhi-o donggipa TRIFED-ni Senior Manager Nagendranath Jha, TRIFED-ni dingtang dingtang scheme aro kamrangko jinmana agan-talate on·angaha.
Ia mela-ko a·bachengate on·anganio dongpae jinmana aganprakanggipa gipin manderangara, IBCB-ni DFS Aisowanma N Sangma, MBMA-ni DPM Sujib Mishra aro gipinrang ong·a.
