U·IATTIMGIPAONI
SHILLONG: Academic Council-ni tom·aniko ta·raken ong·atna man·jagenchimode, North Eastern Hill University (NEHU)-ni Vice Chancellor Prabha Shankar Shukla-ko kam watchina dabianggen ine Bristibar salo, North Eastern Hill University Teachers Association (NEHUTA) parakataha.
NEHUTA-ni president Lakhon Kma-ni kobor ra·timgiparangna parakatani gitade, batanggimin somoirangoba uamang Academic Council-ni tom·aniko ong·atchina changni chang dabiahani gimin da·o uamang NEHU-ni VC-na somoi on·chajawaha aro antisa ba sal 10-ni gisepon uamang jingjengatani bidingo chanchianggnok.
NEHU-ni VC niamrangko pe·enga ine matnangenba Bristibar salo, NEHU Shillong campus-o asonge jingjengatani ja·man iako NEHUTA-ni president parakataha.
NEHU VC-ni kosako jingjengatna gita uamang Meghalaya College Teachers Association (MCTA) aro NEHUNSA baksa apsan chanchianggen ineba Kma parakataha.
University-ni kamrango Academic Council-sa pilakkon chanchie dakdilgipa ong·achim indiba NEHU-ni VC, Academic Council-ni bilkon re·badena jotton ka·aha ineba NEHUTA-ni president parakataha.
“NEP-ko ra·gatanio Academic Council-sa chu·gimik bilrang dongachim indiba Council-ni bilko re·badee NEHU-ni VC, an·tangsa college-rango NEP-ko ra·gatdraataha,” ine Kma suk ong·gijaniko parakataha.
