U·IATTIMGIPAONI SHILLONG: Bilsignioni da·alona Meghalaya skanggipa bottling plant-ko man·anggen, Megahalaya a·doko LPG-ko man·a neng·nikako namatna project ka·dongsoenga. A·doko skanggipa changna bottling plant-ko Ri Bhoi a·jao rikangenga. 2025 bilsio project-ko matchotatna aro kam ka·angna man·a ka·dongsoenga, LPG pen annum-o mt 30000-ko ong·katatna plant chu·onggipa biap donga, ine Indian Oil Corporation-ni official aganangaha. Da·onade, Shillong aro a·dokni gipin bakrang Assam a·dokni bottling plant-o nangarangko man·angna pangchakenga, aro Shillong LPG cynlinder-rangna chu·onggijanirangko chagrongenga. Ia project-na tangka gong kror 75-ko korosna chamangaha aro project dongimin damna bate korosrang bariangnaba donga. Project-ko chu·sokatanganio da·o dipet IOC maming neng·nikaniko chagronga dongkuja. Plant-o invest ka·anganichi aro kamrangko ong·katatanichi songtangni economy gadangko tang·doa
