U·IATTIMGIPAONI
WILLIAMNAGAR: India sorkarini Jal Shakti Ministry-ni Drinking Water Department-ni expert, Water, Sanitation and Hygiene (WASH)-ni central team Dr. Dinesh Chand aro Dinesh Kumar Upadhyay- uamang, October 9 tarikoni 14 tarikona East Garo Hills-ona wenbaaha.
District-ona antisana wenbaanio, Dambo Rongjeng aro Samanda C&RD Blocks-ni dam 16 HGJ songrangona re·e chi man·ako nirokangaha aro Village Water and Sanitation Committee (VWSC) memborrangko Jal Jeevan Mission-ni gita songtangtango scheme-ko name dake ra·gatchina didiangaha.
Indake ong·engon expert team, India sorkarini a·bachenggipa program, district-ni noksik-nokbak songrangona sokenganiko nike kusi ong·ako parakaha.
Iarangni gisepo expert team, October 13 tariko Deputy Commissioner Vibhor Aggarwal-ko gronge, uamangni district-ona wenbae project-ni kamrangko nirokanio agangrikangaha.