U·IATTIMGIPAONI
Shillong: Meghalaya Youth Exchange Programme 2023-o a·dokni ge-12 a·ja gimikoni sak 700-ni gita chadamberang bak ra·angaha jekon Sukrobar salo matchotataha.
Programme-ni Directorate of Sports & Youth Affairs-ni October 16 tarikoni a·bachengataha aro Sport & Youth Affairs-ni Minister Shakliar Warjri mongsonggipa sokgipa ong·e bakko ra·angaha aro Sport & Youth Affairs-ni Director Smti. I Laloo-ba dongpaan baksa NEHU Campus Mawkynroh-ni Convocation Hall-o programme-ko matchotataha.
Programme-ni gita uamangni an·tangtangni changa sapaniko meso-kanganio chadamberangni dakna amani aro gisiko cha·suaniko mesokangaha, ine tom·anio Shri Shaklkiar Warjri uni gisikoniko parakangaha. On·enggipa cholrangko tang·doatna saksa sakgipinoniko skie ra·angna aro uamangni changa sapaniko a·pal-batatna aro a·doko jat-rangni dingtang dingtang culture-rangko ma·sie ra·angchina bakko ra·gipa-rangko ua mol·molangaha.
A·dokini chadam-berangni changa sapaniko aro skill-rangko tang·doatna ra·doatna aro jinmao janggi tangani gadangko namdapatna dingtang dingtang mongsonggipa sorkarini ja·ku de·giparangko minister kan·dike aganangaha.
Dingtang dingtang susaanirangko anti gimik maniangani somoio, jekai Folk git aro folk dance competition-rang, Guiter aro bangsi siksusaanirang, Debate aro Extempor Speech, One-Act Play-ko “Mission Life,” pangchakani baksa Talent Hunt aro Adventure Activity-rangko ong·ataha.
Sakgipin a·dokni dilgiparang baksanaba mongsonggipa sokgiparang dingtang dingtang gadango chegiparangna trophy-rangko aro certificate-rangko on·angaha.
