U·IATTIMGIPAONI
SHILLONG: A·songni skotong Delhi songjinmao donggipa Aurangzeb Road-o rikna sienggipa gittamgipa Meghalaya House-ko bakan a·bachenggnok ine Bristibar salo, a·dokni Deputy Chief Minister aro PWD (Buildings) Minister Prestone Tynsong parakataha.
Tynsong-ni parakatani gitade, Delhi-o gittamgipa Meghalaya House-ko rikna gita sorkari, pilak permission-rangkon ra·manaha.
Ia gital Meghalaya House-ko rikna gong kror 30 ba 31-ko chame donaha ine janapatengon, iana da·o sorkari tender-ko on·na gita nangchongmota lekkani kamrangko ka·engaha ine PWD (Buildings) Minister parakataha.
Da·o dipet Delhi-o Meghalaya House damgni donga aro uarangara 1982 bilsio Dr APJ Abdul Kalam Road-o rikgipa aro 2012 bilsio Vasant Vihar-o nokdonggagipa Meghalaya House-rang ong·achim.
