U·IATTIMGIPAONI
BAGHMARA: West Garo Hills a·jao bilsi 14 ong·gipa me·chik bi·sa saksako drae til·ekanina dos dakgipa mande sakbongako rim·ani ja·man, South Garo Hills a·jaoba ua apsan salon, me·chik bi·sa saksako uni wanggipa (ma·gipani ra·taigipa se), kragija dake drae til·ekaha.
A·sel ong·ani ja·man, me·chik bi·sani ma·gipa, dos dakgipa mandeni (segipani) kosako FIR ka·aha aro ja·mano police-rang uko rim·na man·aha.
Koborko on·ani gitade, ia bilsi 12 ong·gipa me·chik bi·sako uni wanggipa, ma·gipani maiba kamna ong·katangmiting somoio me·chikni nokon drae til·ekaha.
Dos dakgipa mandeko police-rang Bristibar salo rim·aha aro dos dakgipa mandeni kosako police-rang POCSO Act-ni ning·o Baghmara Women Police Station-o mokordoma ka·aha.