U·IATTIMGIPAONI
TURA: Tura-Dalu ramaoni Chokpot-ona dakanggipa ramani Sangknigre dolongko tariengani gimin November-ni 8 aro 9 tarikrango, ia rama gita gari gorarangni re·ruraaniko champengatchengaha ine PWD (Roads) Baghmara Division-ni Executive Engineer u·iataha.
Executive Engineer-ni u·iatani gitade, ia rama gita bostu salgipa garirang re·rurarongani a·sel ia dolong, October-ni 15 tariko nosto ong·aha aro ia dolongko November-ni 8 aro 9 tarikrango tik ka·ahani gimin ia rama gita gari gorarangni re·ruraaniko dontongatchengaha.
Ia ramako champengatchengengmiting somoio gari gorarang re·rurana gita Deku-oni Kerapara-ona dakanggipa ramako watchengskaenga ineba PWD (Roads) official parakataha.
Indake ong·engon, Tura-Dalu ramaoni Chokpot-ona dakanggipa ramako watpilna man·na gita ia dolongko ta·raken taripilna jotton ka·enga ineba PWD (Roads) official parakataha.