U·IATTIMGIPAONI
SHILLONG: NEP 2020-ko ra·gatani bidingo A·dokni private univeristy-rangni skanggipa vice chancellor-rangni tom·aniko ong·ataha. Ia conference-ko, Martin Luther Christian University, uamangni Umsawli campus-o sokachakaha.
Tom·anio mongsonggipa sokgipa ong·e aganengon, a·doko aro a·songo education-ni a·bako tang·doatna gita private university-rangni tikkele re·mikkanganina education minister, Rakkam A. Sangma mittele aganaha.
NEP-ko ra·gatanio uamangni nangnikani ba agan-ku·pattianirangko on·china vice chancellor-rangko didiatan baksa uamangni de·e ra·baanirangko education department nirokatgen ineba Minister aganaha. Unomitingo NEP 2020-ko ra·gatanio Education department-ni advisor H. M. Shangpliang-ba private university-rangna uni chakpaaniko parakaha.
Ia conclave-o bakko ra·gipa university-rang baksa, University of Science and Technology Meghalaya (USTM), CMJ University, North East Adventist University (NEAU), Mahatma Gandhi University (MGU) aro sokachakgipa Martin Luther Christian University-ba dongpaa.
