HYC-ni gital CEC, a·dokni dingtang dingtang nanganirangna ja·ku de·anggen

SHILLONG: ILP-ko chu·-sokatangna, central university-rango ST-na 44% reservation-ni bidingo, a·dokni ning·o sima arini gimin aro gipin nangani-rang baksa drug bading-srukgiparangko rim·ani bidingo dongkuenggipa dabianirangna HYC-ni gital Central Executive Council (CEC) pilakon dabiangna tariangaha.
HYC-ni gital seokgipa CEC-ni ku·mikchetani ja·man ta·raken gital seok-gipa HYC-ni president Roykupar Synrem kobor ra·timgiparangna agan-angaha, “Ian organisation-na rakbegipa rama ong·enga. Oe batanggimin bilsi 9-onin HYC-ni mongsonggipa katta ILP ong·enga jean an·ching organisation-ni skangonin dabibaenggipa ong·a.”
“Oe an·ching ia resolution-ko ra·chakchina sorka-riko sinjetaniko on·aha indiba an·ching ma·sichak-na nangenga jean iamang-mangsan mikkangchina re·mikkangna chol rama ong·enga aro result ong·ja jekon chinga nangnika. Chinga a·dok sorkarini ma·mong sorkariko sinjetna nangako nangnikenga jean resolution ong·a jekon a·dok assembly-ni gita ra·chakna nanga,” ine ua agandapangaha.
Assembly-o resolution-ko ra·chakgenoba community-na community ong·e bakroen dakgrikangkugen, gital seoka mna·gipa CEC jensalo official-ni gita biapo asonggen re·mikkangna chanchianggen ine ua aganangaha.  ILP-kosan ong·ja indiba bang·a nangarang dongkuenga, ine HYC-ni president aganangaha. Chinga gital CEC ong·e a·dokni institution-rangni bidingo chinga chanchianggen. Chinga nika NEHU-o maia ong·-enga, jeon chatro chatrirang aro skigiparangni gisep-griko nanggrikenga,” ine ua agandapangaha. Skie on·-gipa bang·bata manderang jeon a·paloniko rimbae kamo rakkienga aro bang·en re·baengakoba chinga nikenga. Skigipa ong·gija-giparangkoba ta·raken man·a dipet kamo rakki-anggen. Ma·mongni institution-rang a·dokni community donggipa-rangna kam ka·angani pal jeon uamangan biap ong·-gen jeon a·paloni mande-rang kamna chol on·aniko man·-anggen. Uni gimin CEC-ni ian mongsonggipa ong·e ra·angna nanggipa ong·-enga,” ine ua aganangaha. Assam baksa sima arini bidingo sing·anganina ua aganchakangaha, “chinga iani bidingo a·dok sorkari baksa re·enga aro uamang maiko dakgual ong·ode chinga sing·-doangenga.”
Ministry of personal and training GOI-oni u·ia-tani sokbaenga jeon central institution gimikna ge·-etataha jekon a·doknaba ong·a uano 44% reservation baksa uamang man·-chapatna nanga, ine ua u·iataha.
“Indiba chinga ma·sija iani gadangara maia uni gimin ia gital seoka man·gipa CEC ja·ku de·ang-chongmotgen jedakode a·doko ST-na 44% reservation-ko central institution-rango kamrangko man·ang-gen,” ine ua agandapataha.