U·IATTIMGIPAONI
SHILLONG: Sonibar salo, Khasi Students Union (KSU) Mission unit-ni membor-rang, nangchongmotgipa lekkarang gri kam ka·na re·bagipa sakbonga manderangko rim·aha.
Ia sakbonga labour-rangko KSU-ni general secretary Albert L Mawlong-ni dilanichi. Eastern West Khasi Hills a·jao donggipa Mairang Mission-oniko rim·na man·aha.
KSU-ni parakatani gitade, ia sakbonga manderang, Mairang-o donggipa nok te·sako tiles anna gita Mairang-ona re·baahachim indiba uamangko KSU-ni membor-rang rim·enba, ia songoni re·angpilchina aganaha.
Kam ka·gipa manderangko name sandichenggija, Mairang-ona rimbajachina gitaba KSU-ni membor-rang, jolo songdongenggipa manderangna mikrakataniko on·angaha.
“Iandakgipa non-Tribal labour-rangko nangchongmotgipa lekkarang gri songona rimbagenchimode, nokgiparangni kosako chinga rakgipa ja·kurangko de·anggen,” ine KSU mikrakataniko on·angaha.
 |
ReplyForward
|