U·IATTIMGIPAONI
SHILLONG: Public Works Department (PWD)-ni kam ka·ani bewalrangko nambatatna gita Mongolbar salo, PWD, Planning aro Finance department-rang apsan tom·e chanchirimangaha ine a·dokni Deputy Chief Minister aro PWD Minister Prestone Tynsong parakataha.
Ia tom·aniko ong·atani bidingo kobor ra·timgiparangna talate on·angengon, ia tom·anio jerangkon department-rangni gisepo chanchirimahachim, uarang pilakkon Office Memorandum-o ra·bana tik ka·angaha ine Tynsong parakataha.
“Meghalaya a·dokni ramarangko dal·gipa aro chongipa ramarang ba jerangan songni ramarang aro commercial ramarang ong·a, uarang pilakkon chinga gadang sualna tik ka·angaha,” ine PWD Minister aganaha.
Ramarang gitalko tarigenoba ba gitchamko taridapgenoba aro ramarangko name rakkianioba ramani gadangni krisa kamrangko ka·anggen ineba Tynsong parakataha.
“Da·o dipet Meghalaya a·doko National Highway ramarangko gale, kilometer 10,000-na komigija ramarang donga,” ine ua aganaha.
