U·IATTIMGIPAONI
Shillong: India aro Japan-ni gisepo meli-nangrimaniko bilakbatatna India-o Japan-ni Ambassador Hiroshi Suzuki Meghalaya-ni Governor Phagu Chauhan-ni okamako man·e mijalo Shillong Raj Bhavan-o gronggrikaha.
Uamangni gronggrikao Ambassador Suzuki aro Governor Phagu, Japan aro India-ni gisepo meli-nangrimgrikaniko bilak-batatna cholrangko nakatatani gimin a·palen chanchigrikaha. Jatni daka-dikanirangko daksning-grikaniko nambatatani-rangko man·chape, tangka-paisani a·bao bakrimaniko bilakbatatna aro neng·nika-nirangko chanchigrikani gimin uamang agan-golpogrikaha.