U·IATTIMGIPAONI
SHILLONG: Sonibar salo chang 10-gipa Convocation maniani somoio NIT Shillong-o chu·gimik sak 238 chatro chatrirangna degree-ko sualangaha.
Dr. Arun Kumar Sarma, Director General of North East Centre for Technology Application aro Reach (NECTAR) tom·anio mongsonggipa sokgipa ong·e bakko ra·angaha.
Chatro chatrirang dingtang dingtang dake kamrangko dingtangtee ka·a aro a·songko rikanio on·gilangan baksa a·songni namroro silroroanina sakantian kam ka·angna nangchongmota, ine tom·anio Dr. Arun Kumar Sarma chatro chatrirangna didie aganangaha.
Ia bilsio, institute dingtang dingtang discipline-rango, BTech-oni sak 147, MTech-oni sak 26, MSc-oni sak 31 aro PhD-oni sak 34-na degree-rangko sak 238 chatro chatrirangna sualangaha. Nambate dakanio chu·sokgipa aro jotton ka·gipa chatro chatrirangna upadirangko on·angaha.