U·IATTIMGIPAONI
SHILLONG: Re·baenggipa 2024 bilsini Lok Sabha election-o Shillong Parliamentary Constituency-oni susana gita National People’s Party (NPP)-ni tikitko a·dokni Cabinet Minister aro NPP-ni dilgipa Ampareen Lyngdoh-na on·naba gnang.
Kobor man·soani gitade, Lyngdoh-ni noko dingtangmancha uni maharirang aro ripengskarangni chakpaaniko man·na gita tom·aniko ong·atangaha aro ia tom·anio NPP-ni national president Conrad K Sangma baksana NPP-ni state president Prestone Tynsong-ba dongpae bak ra·angaha.
Lyngdoh an·tangan, re·baenggipa bilsini Lok Sabha election-o Shillong seat-oni susana NPP-ni dilgiparango bi·aha aro uni bi·aniko NPP-ni dilgiparang ra·chakaha ine mitam dilgiparang kobor on·ataha.
Lyngdoh-na NPP-ni bang·bata dilgiparangan aro Dhar company-ba chakpaaniko on·enga ineba kobor on·timgiparang parakataha.
Mitam kobor on·timgiparangni u·iatani gitade, Trinamool Congress (TMC)-ni dilgipa George B Lyngdoh-kosa NPP-ni mitam dilgiparang, NPP-ona rimbae Shillong Parliamentary seat-o susaatna nangnikanirang dongachim indiba Shillong seat-o Dasakhiat Lamare-ko NPP-ni candidate ong·atchina Dhar brothers, NPP-ko aganahani gimin mitam dilgiparangni chanchianiko dingtangatna nangskaahachim.
Koborko on·ani gitade, NPP-ni mitam dilgiparangde BJP-oni NPP-o napanggipa HM Shangpliang-koba Shillong seat-o susaatna nangniktokachim indiba Lamare-na tikitko on·china didigiparang dongani gimin Shangpliang-koba uamang donna nangao ga·akaiahachim.
Indake ong·genchimoba ia pilak obostarang ong·ani ja·man NPP-ni dilgiparang da·o party tikitko Ampareen Lyngdoh-na on·skana tik ka·aha ine kobor on·timgiparang u·iataha.
Tura Lok Sabha constituency-ode da·o ong·enggipa MP Agatha K Sangma, susapiltaina miksonganirang dongengani gimin NPP-ni tikitko unan on·piltaiani cholrang dongbatenga ine kobor on·aha.