U·IATTIMGIPAONI
TURA: North Garo Hills a·jao United Democratic Party (UDP)-ko district president ong·e dilenggipa Rakman Ch Marak, Bristibar salo kamtangko wate, UDP-ni membor ong·aoniba ong·kataha.
An·tangni kam watani chittiko ua, UDP-ni state president-na, district secretary-ni jako on·ataha aro uni chittio janapatani gitade, ua dingtang dingtang neng·nikanirang dongani gimin kamtangko wate UDP-oni ong·kataha.
Kamtangko wate UDP-oni ong·katangenggipa Rakman Ch Marak, ia 2023 bilsini Meghalaya Assembly election-oba UDP-ni candidate ong·e Bajengdoba constituency-o susaahachim indiba ua 491 vote-rangkosan man·rikaiahachim.
