U·IATTIMGIPAONI
TURA: Tura Diocese-ni bilsi 50 gapaniko maniani bak gita Robibar salo, bilsianti ong·atrongenggipa Eucharistic Procession-ko Tura Don Bosco School kal·chakramo ong·atangaha.
Procession ba jinma re·jomaniko Robibar salni 12:00 baji dipet Don Bosco School kal·chakramoni a·bachengataha aro Wa·danang, RC Road aro Chandmary gita re·jomangenba, apsan biapon matchotataha.
Jinma Don Bosco School kal·chakramona sokangpilani ja·man jinma bi·anichi ia program-ko matchotataha.
Iana skang, jinma bi·aniko pring 10:00 bajioni apsan biapon, Tura-ni Bishop Most Rev Andrew R Marak dilangaha aro ia tom·anio Tura-ni Auxiliary Bishop Most Rev Jose Chirackal, dingtang dingtang pamongrang aro hajalni hajal Catholic bebera·giparangba bak ra·angtokaha.
