U·IATTIMGIPAONI
TURA: Central Agriculture University (CAU)-ni ning·o donggipa Tura Community Science College-ni undergraduate chatri sakgittam, November 27 tarikoni December 26 tarikona Taiwan-ni National Ilan University-o jasana ong·atenggipa international training program-o skie ra·na re·angaha.
Ia training program-o skie ra·na gita Institute Development Plan-National Agricultural Higher Education Project (IDP-NAHEP)-ni dakchakanichi Indian Council of Agricultural Research (ICAR), World Bank gita tangka paisarangko dakchake on·enga aro Tura Community Science College-ni ia training program-o bak ra·na re·anggiparangoni ian brigipa batch ong·aha.
Taiwan-ona re·ange ia training program-o bakko ra·na cholko man·engani gimin Community Science College-ni chatri sakgittam namen kusi ong·aniko parakataha aro ia cholko on·ahani gimin university-ni official-rangnaba an·tangtangni mittelpilaniko parakattokaha.