U·IATTIMGIPAONI
SHILLONG: East Khasi Hills District Police Sukro-bar walo rang·gitik chagrope beer-rangko, IMFL-rangko aro niamgrigipa churangko rim·a.
East Khasi Hills-ni SP, Sylvester Nongtnger agana, bilsi gimikkan, rang·-gitik chagropanichi, nitima-nichi aro gari/ja·achi san-dianichi Law and Order-ko champengna jotton ka·aha.
“December jaa sokahani gimin bang·a manianirang sokbaengaha, aro indak-gipa somoirango namgija a·sel ong·anirangko cham-pengna gita, district police city-ni bang·a biaprango rang·gitik chagrope namgija a·selrangko champengna bang·en jotton ka·aha,” ine aganaha.
Sukrobar walo, police-ni city-ni bang·a biaprangko rang·gitik chagropaha, aro beer 1538.8 ltrs, 43775 ltrs IMFL-ko aro 270 litre-ni ilicit liqour-ko niamgri palarangko rim·aha, aro uarangko biaptangon nosto ka·e galaha.