U·IATTIMGIPAONI
Shillong: Mija Sukro-bar walo Shillong Garikha-na-o ata factory-o wa·al kama a·selni gimin State Disaster Response Force (SDRF) mijalo aganchak-aha. Pring 2 bajimango State Disaster Management Authority (SDMA)-chi SDRF, a·sel ong·gipa biapona sokangmanaha aro Fire & Emergency Services baksa nangrime wa·al kamani-rangko kimitma raken ka·atahachim. SDRF-ni Commandant PH Khong-sngi aro SDRF 2nd Command-ni B Sahkhar-chi dilgipa State Disaster Response Force (SDRF)-ni dolgni dolrang ua wa·al kamani a·selo kam ka·aha.
SDRF, 12.40 bajimango konta 10-na ru·uten kimitani kamko ka·aha aro pilak agency-rangni krenge wa·al-ko chu·gimik kimitna man·aha. Ua a·selo darangba sia ba saknaa man·ani koborrang dongja.
