SHILLONG: Mongsong-gipa dilgipa George Lyngdoh, TMC Meghalaya-ni Vice President baksana Umroi TMC Block Committee-ni President-ni kamko rang·gitik watanina TMC party-o dal·begipa ja·gokaniko ra·baha.
Lyngdoh, Sonibaro, an·tangni gita neng·nika dongani gimin kamko wateni chittiko party-ni president Charles Pyngrope-na seataha.
“Re·anggipa bilsio association-ni nang·ni nambegipa dilanichi bang·a gamchatgipa aro gun gnanganirangko skie ra·aniko man·aha. Na·a aro nang·ni gipin dilgiparang angna namen chakaha, aro na·simang neng·nikani-rangko maidake cholona sokatna man·gen, uko skiaha, jean angna bang·a namgnirangko on·aha,” ine Lyngdoh aganaha.
Gipin party-rango napna chanchiengama? ine sing·anio Lyngdoh agana, da·omitingo anga TMC party-ni membor ong·kuenga, ine aganchakaha.
