U·IATTIMGIPAONI
Tura: Tura Diocese-ni Golden Jubilee-ko manianiko do·ga chipani bako Tura-ni Bishop Most Reverend Bishop Andrew R Marak-ni jakchi sak bonga Deacon-rang-Dn Anthony Marak SDB, Dn Thomas Ch Sangma, Dn Parciush R Marak SJ, Dn Martin A Sangma aro Dn Bromeo Ch Marak SDB iamangko kamalrang ong·na gita ordaine ka·ang-aha ba to nongaha. Ordination ceremony-ko Tura Don Bosco School Playground, Chandmari-o ong·atgaha.
Gital ordain ka·ako man·gipa kamalrangko Holy Eucharist-o ordain ka·ao sak 110-na baten kamalrang bakko ra·aha aro gisikni gita chakpaaniko mesokaha. Garo Hills gimikoni aro Shillong-oni bang·a bebe ra·giparangba ia tom·ao dongpaaha aro ia chu·sokani jatni gisepo namgni ong·batgnok.
Tura-ni Bishop Most Reverend Andrew R Marak, mondolini manderangna dangdike on·a kamalrang ong·na gita jemangan uamangni de·panterangko on·kangaha ma·gipa-pagiparangko aro ma·drangrangko mittelaha. Kamal ong·ani dakgni aro daitoko gisik ra·ate Gitel-ni okamanina uamang aganchakaha aro kamalna to nongako man·gipa ong·e jeoba uamang Isolni kattako gipinrangna agan-parakna nanggen uan jeko na·simang manderangna dakaha uan Gitelna dakaha ine ua agandapaha. Jedakode uamang uamangni bebe ra·anio ning·tue ja·dil su·na man·gen aro mikkangchi nambatgipa Kristian-rang ong·na gipinrangko dilna man·gen uamangni bi·anirango ia kamal gitalrangko gisik ra·e bi·china ua pilak bebe ra·giparangko didiaha.
