U·IATTIMGIPAONI
TURA: Ia 2023-2024 bilsini Civic Action Program-ni bak gita 120 Bn CRPF dol, dingtang dingtang songni manderangna aro skulni bi·sarangna dakchakanirangko on·angaha.
Koborko on·ani gitade, adita salrangna skang, Assistant Commandant Sujoy Golui-ni dilanichi 120 Battalion CRPF-ni sipairang, Chisobibra songna Solar street light ge·gni aro New Chidekgre (Baija Kusimkolgre) songna solar street light ge·sako on·gilataha.
Uni ja·man ia apsan program-ni bak gitan, Commandant Pramod Kumar Singh aro Assistant Commandant Sujoy Golui-ni dilanichi 120 Bn CRPF-ni sipairang, Williamnagar-ni Bolkinggre Deficit UP School-o nosto ong·gipa toilet-ko taridape on·an baksana chirangkoba sale on·aha.
Iana songni manderang aro skulko chalaienggipa manderang, 120 Bn CRPF-ko mittelpilataha.
Mikkangchiba apsan daken dingtang dingtang songni manderangna aro skulrango poraienggipa bi·sarangna iandakgipa program-rangko ong·ate dakchakanirangko on·angkuna gitaba 120 Bn CRPF-ni Commandant ku·rachakaniko on·ataha.
