U·IATTIMGIPAONI
TURA: December-ni 12 tariko, Headquarters 101 Area, Indian Army aro Meghalaya a·dokni Rajya Sainik Board nangrimenba, Mega Ex-Servicemen Rally-ko Tura-o ong·atenga.
Ia apsan dakgipa Mega Ex-Servicemen Rally-ko re·anggipa November-ni 24 tariko, Shillong songjinmani Happy Valley-o donggipa 58 Gorkha Training Centre-oba ong·atangahachim aro ia Rally-ko ong·atanichi Shillong songjinmani gitcham sipairang dingtang dingtang namgnirangko man·aha.
Apsan daken da·o ia Mega Ex-Servicemen Rally-ko Tura-oba ong·atengani gimin ia rally-o Tura-ni gitcham sipairang bakko ra·e namgnirangko ra·rikskana man·gnok.
Gitcham sipairang, kamoni neng·takangani ba siangani ja·manba, uamangni nokdangrang aro dongrikenggipa jik-dedrangna Armed Forces ba sipai dolrangni simsak nirokanirangko man·na nangkuengani gimin agan-talate on·na aro dingtang dingtang cholrangko on·na gita iandakgipa Mega Ex-Servicemen Rally-ko a·doko ong·atenga.
Ia Rally-ko ong·atanio Unit-chi chalaienggipa Canteen Counter-rang, medical camp, Ex-Servicemen Contributory Health Scheme (ECHS), Zilla Sainik Board, SBI, PNB, IndusInd Bank aro ICICI bank-rangni dakchake on·anirangko gitcham sipairang aro uamangni nokdangrang ra·na cholrangko man·gen.
Gitcham sipairangna on·enggipa SPARSH (System for Pension Administration (Raksha), ECHS, Army Welfare & Education Society (AWES) aro sorkarini scheme-rangni giminba ia Rally-o agan-talatanirangko on·anggen.
 |
ReplyForward
|
