U·IATTIMGIPAONI
SHILLONG: Shillong seat-o uamangni MP candidate-ko baseanio bon·kame nianio party-ni chanchianiko donmitape aganangaha, jeon uamangko bilakdapatna aro bang·a dilgiparangko ong·katatna namanikenga ine United Democratic Party (UDP) aganaha.
“Anga kamtangko chu·sokgipa aro chimonggipa dilgliparangni suale kam ka·anio bebe ra·a. Bang·a dilgiparangko jeon an·ching ong·katatna man·a aro a·dokko nambat-gipa gadango bilakdapatna man·anggen,” ine UDP-ni dilgipa aro Cabinet Minister Paul Lyngdoh party-ni MP candidate ong·e susaangna am·eng-gipana aro gipin chol-rangko on·angna aganang-aha.
Shillong seat-oni sasuna am·enggipa candidate-ni bimingko party bon·kame chanchikuja, gitcham HYC-ni president Robert June Kharjarin-ko bang·a dilgiaprangan namnikenga indiba party ra·chakna jechakaniko party-ni ning·oni parakangaha.
Party-ni mongsonggipa dilgiparang jekai UDP-ni General Secretary Jemino Mawthoh baksana Lyngdoh MP election-rangna susaanio ong·enga jeon UDP dilgiprangoni sakgittamangmangkosan ra·chakangnaba donga uamangara, UDP-ni dilgipa PT Sawkmie, Khasi Authors Society-ni president, DRL Nonglait aro gitcham HYC-ni president Robert June Kharjarin uamangan mong-songgiparang ong·angna-ba donga, ine report-o parakataha.
“Anga aganchakang-jawa maina angade a·dok assembly-ni membor ong·e dongenga, ruuta bilsi-rangni ja·mansa anga cabinet-o ong·na man·pil-engaha, ine UDP-ni dilgipa aganangaha.