SHILLONG: Bilsignini gisepon matchotna ka·dongsoenggipa Shil-long Ropeway Project-na pangchakaniko re·baeng-gipa 2024 bilsini January jao songna siengaha.
Iani bidingo kobor ra·timgiparangna u·iat-engon, Shillong Ropeway project-na pilak depart-ment-rangni NOC-rangkon man·aha aro ia project-ni kamrangko ka·anio neng·-nikanirangko chagrongna nangenggipa kam, chong·-motan Forest department-ni NOC-koba da·o sorkari man·aha ine Sukrobar salo, a·dokni Tourism Minister Paul Lyngdoh parakataha.
Tourism Minister-ni parakatani gitade, ia project-na tender-rangko January jani gittamgipa antio okamgen aro ia kamko ja 18 ba batbewal bilsignini gisepon matchotna ka·dongenga.
“Shillong Ropeway project-na pangchakaniko January jani gnigipa antio songgen aro gittamgipa antipode tender-rangko okamgnok. Ia project-ko chinga bilsignini gisepon matchotna ka·dongenga,” ine Lyngdoh aganaha.
Forest department-ni a·arangko ra·aniosa neng·-nikanirangko man·batna nangengachim ine janapatengon, da·o pilak neng·nikanirangko talatna man·aha aro ian salgro salaram jol gimiko dal·-batsranggipa project ong·-gen ine Lyngdoh parakataha.
Lawsohtun-oni Shillong Peak-ona a·dokni skang-gipa passenger ropeway-ko kros 138 korosrangchi tarina gita a·dokni Cabinet, re·anggipa 2022 bilsini September jaon ra·chak-angahachim ine nikna man·a.
Ia Shillong Ropeway project-ko Madan Laban-o donggipa terminal point-oni Lumparing-chipakna aro Shillong Peak-ni view point-ona tarina miksongengachim.
Ia ropeway-o a·bachengode ding 12 cable-rang donggen aro iako European standard-o tarina siengachim.
