U·IATIMGIPAONI
TURA: Tura Law College Students’ Union, TGCSU aro FKJGP, TGC Cell, Christmas aro bilsi gital maniani salrangna bilsini poraiani bakrangko don-tongna skang uamangni man·a nanggipa scholar-ship-rangko on·china mol·molan baksa nangrime memorandum-ko Chief Minister Conrad Sangma-na on·aha.
Memorandum-o janapa-ni gita, Tura Government College-oni gimik gimang sak 3380 poraigipa chatro-chatrirangoni uamangoni sak 40-san scholarship-rangko man·aha aro Tura Law College-oni gimik gimang sak 239 porai-giparang dongaoni sak 6-san man·aienga.
A·dok gimikni gimik college-rangon apsan obosta ong·engako agan-mesoke December 23-o college-rangko chipna skang man·genchimode ta·rakale scholarship-rangko on·china chatro-chatri dolrang mol·mola.