U·IATTIMGIPAONI
SHILLONG: Meghalaya a·dokni BJP state unit, uamangni Vice-President Jagdeep Dhankar-ko Parliament Complex-o chonikani gimin TMC MP Kalyan Banerjee-ko raken matnangataha. Kalyan Banerjee, Vice President-ko chonnikani kattarangchi agan-baleke roani obosta gimikko Congress dilgipa Rahul Gandhi mesoke roskaaha. A·doko BJP-ni manderang ua obostani kosako uamangni jegala-niko segatna tom·dakaha aro kragija dakgipa sakgni MP-rangni bimangrangko tarie so·e uamangni kosako jegalaniko dakaha.
Meghalaya a·dokni BJP-ni Chief kobor on·tim-gipa Mariahom Kharkrang indake aganaha, “Je obosta ong·anina chingni suk ong·gijaniko ba jegalaniko mesoknasan chinga tom·-daka ong·ja indiba un baksa a·song gimikni chakpaniko Dhankar-na agana gita tom·dakaha. Vice-Presi-dent-ko chonika-niara constitution-ko aro a·song-koba chonikani ong·a. Sakantian uamangni agana skaniko parakna jakgitel ong·a, ia jakgitelani ua-mangni daitorang baksa ong·a aro pilak somaion uko gisik ra·na nang-chongmota.”
“A·songni ka·sabegipa Prime Minister-ko jegalna jotton ka·e uamang ma·-mongo sorkari baksa meli-gipa sakantikon aro gimik-kon matnange chonnike pilak ariko ga·bataha.