WILLIAMNAGAR: East Garo Hills-ni Krishi Vigyan Kendra, mijalo Baiza-o National farmer’s day ba Kisan Diwas-ko songsalo uamangni kam ka·ani-rangna gamgiparangko mande ra·e maniaha aro uamangna boksisrangko on·angaha. Ia programme-o gimik gimang bakko ra·gipa sak 56-oni sak 47-de dingtang dingtang songrangoni gamgipa me·asarang aro me·chik-rang ong·a.
Dr. Yanglem Sofia Devi, SMS (Agronomy), sokba-giparangko rimchaksoaha aro National Farmer’s Day-ni mongsonggipa ong·ani gimin agan-talataha. Dr. Yanglem Herojit Singh, SMS (PP), ‘Delivering smart solutions for sustai-nable food security and resilience’ ja·pang kattani gimin agan-talate on·angskaaha.
Mijalni programme-o Chief Guest Tengman Sangma, Project Director, ATMA dingtangmancha agananirango, songsalo gama-suani aro gamgipa-rangni aro cha·anina aro cha·anirangko chimonge naljoke donna dingtangmancha gama-suanirangni mongsong-gipa ong·ani gimin aganaha.
Tom·ao Baiza-oni Uphendro N. Sangma, Mesoni Ch. Marak from Tebil Bonegre-B-oni Mesoni Ch. Marak, Rangmalbadim-oni Polsoni M. Sangma-maangna gama-su·ani a·bao uamang-ni kamrangna uamangko mande ra·aniko dakaha.