U·IATTIMGIPAONI
TURA: December 25 tarik walo, manderang kusi ong·e Krismasko manitokengon, Tura-ni Dakkopgre jolo donggipa TV Tower ramao, gari bolgni chatinggrike a·sel ong·skaaha aro gari bolgni chatinggrike a·sel ong·anio adita sak manderang saknaanirangko man·aha.
Kobor on·timgiparangni u·iatani gitade, chatinggrike a·sel ong·gipa gari bolgniara, ML-05H 8600 Alto gari aro DL-7CJ 1770 Hyundai i-10 gari ong·achim.
“Krismas walo, nokdang ge·sani manderang, i-10 gario light nina re·ramengachim indiba ua somoio Alto gariko salgipa ‘wrong side’ re·bae i-10 gariko su·gakeaha. Gari bolgni chatinggrike a·sel ong·anio i-10-o gadoenggipa adita sak bi·sarang saknaanirangko man·na nangaha,” ine kobor on·timgiparang parakataha.
Alto gariko salgipa chu peke gariko salani a·selsa ua somoio iandakgipa a·selko chagrongna nangaha ineba kobor on·timgiparang parakataha.
