SHILLONG: Tom·tomaniona re·bapilna sorkari baksa agangrikaniko ra·pilna gita Budbar salo, champengatako man·gimin Hynniewtrep National Liberation Council (HNLC) bobil dol, ma·mong sorkarina sedoataha.
Iani bidingo Ministry of Home Affairs (MHA) Northeast-ni Advisor AK Mishra-na sedoatengon, sorkari baksa agangrikanio HNLC-ni dabianirangko chu·sokatna gisiko nangjahani gimin HNLC-ni chairman-cum-commander-in-
HNLC-ni nangchongmotgipa dabianirangkon sorkari chu·sokate on·na man·jaenga ong·ode ja·mano HNLC-ni political-ni gita dabianirangkoba sorkari chu·sokate on·jawa ine ma·mong sorkarina sedoatgipa chittio HNLC-ni dilgiparang parakataha.
“Tom·tomanina sorkari baksa agangrikaniko chinga ra·pilna draataniko man·aha ine na·simangna u·iatna chinga duk ong·a. Chingni dabianirangko chu·sokate on·jahani gimin chinga sorkari baksa agangrikaniko ra·pilna tik ka·aha maina chingni nangchongmotgipa dabianirangkon sorkari chu·sokate on·jagenchimode ja·mano chingni political-ni gita dabianirangkoba chu·sokate on·jawa ine chinga ma·sia. Chinga chingni silchidare ra·e dakgrikaniko dakangkuna nangnikaha,” ine HNLC-ni dilgiparang parakataha.
HNLC-ni seachi parakatani gitade, uamang sorkarina uamangni mingbonga dabianirangko on·ahachim aro ia mingbonga dabianirangoni minggnikosa sorkari chu·sokate on·aiahachim.
HNLC-ni minggittam dabianirang, chong·motan HNLC-ni kosako ban ka·aniko ba champengataniko ra·galpilchina, HNLC-ni dilgiparang aro membor-rangni kosako bangki dongenggipa case-rangko kema watchina aro HNLC-ni kamrango jak donga ine rim·ako man·gipa manderangko watpilchina dabianirangkode sorkari chu·sokate on·kujaengachim.
Indake ong·engon, HNLC-ni chubata gadango donggipa dilgiparang sorkari baksa agangrikna re·bagenchimosa ia pilak kamrangni gimin agangrikna man·gen ine adita salrangna skangsan a·dokni Deputy Chief Minister Prestone Tynsong talataniko on·angahachim ine nikna man·a.
