P4 Unit Mendipathar Awareness Prog-ko ong·ata

MENDIPATHAR: Assam Pub Jira Goalpara-o January 5 2024 mija Bristibar salo India sorkarini Central Silk Board, Textiles Ministry MESSO, Meghalaya-ni P4 Mendipathar  Farmers’ Awareness programme-ko Muga jilgiparangna ong·ataha. Ia programme-o Mendipathar, Jira Bamunipanikhowa-oni gimik sak 35 muga jile choligiparang aro gitalgipa Muga jilgiparang dongpaaha. Dr. Lopamudra Guha, Scientist-D, MESSO, Guwahati-oni ia programme-ni Chief Guest ong·aha aro Dr. Vikram Kumar, Scientist-C, CSB, MESSO,P-3 Unit Rompara & Dr. K Indirakumar, Scientist-C, CSB,MESSO, P-4 Unit Tura-oni ia programme-ni Special Guest ong·aha.
Ia programme-chi Muga jo·ong jilani kamrangni bidingo gisik a·ning bite jile nie ma·sibatani bidingo chinga aganaha. V. Kumar, Aherua aro Bhodia-mitingo alani bipangrangko aro jilna bitchiko rakkiani bidingo chanchigrikaha. Mahasankar Majumdar, Scientist-C & ia unit-ni Officer-In-Charge, muga jilgipa a·bani maming namgija ong·gijani niam aro  lekka pindake donako brush-chi ripakani budiko mingsingatna jotton ka·ani bidingo aro ia budichi nambatgipa ong·ani gimin chanchiangaha. Muga jile chasongo namdapani aro Muga bitchini adita sabisini bidingo Dr K. Indirakumar aganangaha.  Ripakna skang aro jilani ja·mano simsakani minganti-mingprak jilanio simsakni gimin Dr Lopamudra Guha aganaha. Jilaoni matchotaona minggipin gamchatani gimin ua aganaha. Village Head Man Nilmoni Rabha, Muga jilchina chasong gitalko mol·molaha. Arjun Rabha Silk Samgra-2 namgniko man·gipa uni Muga jile lap man·ani gimin talataha. Majumdar, online gita, social media-o agan-golpogrike maikai CSB, MESSO uamangni muga jilgiparangna dakchakaha aro adita field demonstration-ko on·ani gimin talbatataha.
Programme-ko ia unit-ni Senior Technical Assistant S/G. Momin-chi mittelpilskaani kattarangko agane matchotataha.