SHILLONG: Changbongagipa Meghalaya Games 2024-ko January 15 tarikoni 20 tarikona Tura-o ong·atengon, ia kal·susaani bil·chamko Mongolbar pringo, a·dokni Sports & Youth Affairs Minister Shakliar Warjri-ni jakchi Tura-ona watataha.
Ia torch relay ba bil·cham ra·baaniko Shillong songjinmani SSA Stadium-o a·dokni Sports Minister a·bachengatenba, ia bil·chamko Tura-ona, saksa kal·susaanio mingsinggipa aro katsusaanirango bang·en medal-rangko chegipa Binningstar Lyngkhoi-ni jako watataha.
Ia bil·chamko Lyngkhoi, Tura-o Meghalaya Games-ko sokachakenggipa biapona sokate on·angskagen.
Ia bil·chamko watatani somoio, Meghalaya Games-o bak ra·enggipa dingtang dingtang a·jani manderang aro sorkari official-rangba dongpae bak ra·angtokaha.
Changbongagipa Meghalaya Games-ko re·baenggipa January 15 tariko, a·songni President Droupadi Murmu a·bachengate on·anggen.
