Saturday, April 13, 2024
spot_img

UC list-o skigipani kamna Tribal-rang biming nakatjani gimin ABVP sing·doa

Date:

Share post:

spot_img
spot_img

TURA: West Garo Hills a·jani Dadenggre Sub-Division ning·o Government LP skulrangna assistant teacher-rangko seokanio Tribal-rangoni saksakoba kamo ra·jahani gimin Meghalaya a·dokni Akhil Bharatiya Vidyarthi Parishad (ABVP) a·dok sorkariko sing·doatenba, skigipani kamna seokaniko gital dake nipiltaichina sorkariko didiataha.

Dadenggre sub-division-ni ning·o Govt LP skulrangna assistant teacher-ni kamo ra·na gita MTET pass ka·gimin candidate-rangko re·anggipa December jao aro ia January jani 4, 5, 6, 8 aro 9 tarikrangoba personal interview-ko ra·e, Unreserved Category (UC)-ni result-ko adita salrangna skangsan Education department parakatahachim ine nikna man·a.

UC-ni result-ko parakatanio gimik sak 34 candidate-rangko skigipani kamna ra·ahachim indiba ia sak 34 candidate-rangoni Tribal candidate-rangonide saksakoba ra·jahani gimin ABVP Meghalaya, suk ong·gijaniko parakatenba, Unreserved Category-o skigipani kamna seokaniko gital dake nipiltaichina sorkariko didiataha.

“Unreserved Category-na skigiparangni result-ko parakatanio dongnue kam ka·aniko mesokani ong·engani gimin name sandirokaniko dakna nangchongmota maina iani bidingo bang·en sing·na nanganirang ong·kataha. UR category list-o Tribal jong-ada no-abirangoni darangba kamna kragiparang dongjama? UR category-o seokako man·gipa sak 34-oni maikai jatsani candidate-rangsan dam 33 seat-rango seokako man·aha? Dadenggre Sub-Division-ni ning·o Tribal-rangonide skigipani kamna kragiparang dongjama? Ia sing·anirangko sorkari jinmana aganchakna nangchongmota,” ine ABVP Meghalaya-ni state secretary Tengku M Marak dabiangaha.

spot_img
spot_img

Related articles

Skill-based gaming doesn’t require regulation, must grow under a legal structure: PM Modi

New Delhi, April 13: Esports, especially skill-based gaming, do not require any regulation and must remain free to...

SC to hear CM Kejriwal’s plea against arrest by ED on Monday

New Delhi, April 13: The Supreme Court will hear incarcerated Delhi Chief Minister Arvind Kejriwal's plea on April...

Ladakh Apex Body announces protest march to China border

Srinagar, April 13:  Ladakh Apex Body (LAB), the key organisation of protesters in the Union Territory (UT), have...

NDA won’t get simple majority in LS polls: Karnataka CM Siddaramaiah

Mysuru, April 13: Karnataka Chief Minister Siddaramaiah on Saturday said that the NDA will not get a simple...