Wednesday, July 9, 2025
spot_img

VVIP-ni wenbani somoirango a·dokko tarisoa dakanina VPP, sorkariko sing·doata

Date:

Share post:

spot_imgspot_img

SHILLONG:  VVIP-rangni re·banisomoisan a·doko maina rama a·kolrangko tarina nangaiaha, gimikkon rongtalatna nanga aro traffic-ni niamrangkoba nangdapatna nangachim, ine Voice of the People Party (VPP) Sonibaro a·dok sorkariko sing·doataha.
“VPP, Meghalaya-osan VVIP ba VIP-ni daka-rikarangko jegala ong·ja, indiba India gimikon jegalaha. Maina VVIPs-ni re·bani somoisan rama-rangko jrongrong taria aro  speed breaker-rangko galna nanga, jekon ja·man taripila uni gimin chinga nawangchaapilaha. Indake dakanira maming kattan dongsrangja,” ine VPP-ni palo agantimgipa Batskhem Myrboh Sonibar salo aganaha.
Ua agana, wa·arangni tarie, pakmarangko rong nonganirangko songre-banio dakrongaha,  iani gimin chinga mamingko ma·sipiljaha,” ine ua aganaha. “Indake dakanira nitoata ga·suate mesokani ong·a, indiba iara India-ni democracey-o brigijaniko mesokani ong·aha, aro dilgiparang a·doktangni manderangnan kenaniko mesokani ong·a”.
“Pakmarango noksa sale ronga nonganirangko dontongatna nangaha, maina indake dakanira jinma manderangni tangka-ko indin bon·atani ong·a. Pakmarango noksa sale rong nanganira, Donald Trump-ni a·songona re·baniko gisik ra·atani ong·a, uni songrebani somoio kangalrangni obostarangko mesokna sikjae pindape donaha,” ine  ua agandapaha.
Ua agandapa, “VVIP-ni re·barangni gimin u·iman-soani ja·man gimik tariso-anirangko daka, indiba indake dakanichi jinma manderangna neng·nik-anirangko ra·baskani ong·a.   Asolode VVIPs aro VIPs jinma manderangni nokkolsa ong·a.”  “Ua-mangni gimin jinma mande-rang maming neng·nika-nirangko man·na nangja, ian chanchiate nianio kaket ong·a,” ine ua agandapaha.
VVIP-rangni wenbaa-nio, a·doko pangnan traffic namen blonga aro gari-rangni re·a doanioba bang·a neng·nikanirangko chagrongronga. VVIP-rangni wenbaana skang  ru·uta somoirangoni tarigija donggipa rama-rango dikdiksa somoirang-ona nambate tarironga, indiba  bang·a mikkang chakgiparang aro stake-holder-rangoni ia rama-rangko tarichina dabianio knachakna somoi ru·ute nanga, maini gimin indake dingtanganirangko dakna nanga, ine a·dokni sorkariko sing·ataha.
January 16 tariko President Doupadi Murmu-ni a·dokna wenbaengako a·dok sokachakenga aro NEC-o tom·anio Union Home Minister, Amit Shah bakko ra·anggen. Ia  tom·-anio salgro salaram a·dok gimikoni Chief Minister-rang bak ra·angna ka·dongsoenga, ine parakataha.

spot_imgspot_img

Related articles

LoP Gandhi to address key issues concerning farmers, tribals, women during Odisha visit

Bhubaneswar, July 9: Odisha Pradesh Congress Committee President, Bhakta Charan Das, on Wednesday announced that Congress MP and...

Ravi Shankar Prasad slams opposition over Bihar bandh, alleges pressure tactics on judiciary

New Delhi, July 9: Senior BJP MP and former Union Minister Ravi Shankar Prasad launched a scathing attack...

Punjab Police foil terror plot backed by Pakistan’s ISI

Chandigarh, July 9: Punjab Director General of Police (DGP) Gaurav Yadav said here on Wednesday that the state...

16th Agriculture leadership conclave: Argentina reaffirms commitment to agri-cooperation with India

New Delhi, July 9: At the two-day Agriculture Leadership Conclave 2025, Argentina underlined the importance of its deepening...