SHILLONG: Ia chang Shillong Lok Sabha seat-o a·dokni party chena United Democratic Party (UDP) ka·dongtelenga aro party uamangni campaign ka·a-niko chu·gimik February jaoni a·bachengatgen.
Shillong seat-na candidate-ni bimingko parakataonin Lok Sabha election-na kamrangko a·bachengataha. February jaoni party chu·gimik bil donga gimikchi campaign ka·chakatgnok ine UDP-ni president aro Mairang MLA, Metbah Lyngdoh aganaha.
HSPDP-ni gita UDP party re·bapilaha, dolgni party ong·e bakrime rikna Regional Democratic Alliance (HSPDP) biming-ko donaha.
Political dal·dalgiparang jekai Congress aro NPP jean a·doko sorkariko rikenga uamangni kosako UPD chakatanggen. “Ian chango chinga name dak-angna am·enga. Candidate-rang donga uamangko chinga dondipatnasa man·chakpiljaenga,” ine ua aganaha. Ia chango man-derang a·dokni sipairang-nasa re·anggen ine ua agandapangaha.
Sak 12 MLA-rang baksa UDP a·doko gnigipa dal·batsranggipa ong·e an·tangmko chanenga, Lok Sabha poll-o ia chango chena namgipa kam ka·a-niko on·angna ka·dong-soenga. Khasi aro Jaintia Hills-o bang·a MLA-rang aro MDC-rang dongani gimin party position-o katcha-aniko man·enga, Parlia-ment-ona uamang MP-ko watatna ka·dong-soenga. Ia bilsini KHADC aro JHADC-ni election-na chakpaaniko on·a kam ka·anirangko aro bil amanio dongkamna UDP chakpa-angenga. District council gadango party bilakgipa sipairang donga.
