SHILLONG: Ia bilsini Lok Sabha election-o Tura parliamentary seat-oni susana gita I.N.D.I.A. bloc-o apsan bakrimenggipa Trinamool Congress (TMC)-na pakwate on·-china da·o dipet high command-oni maming u·iatanirang dongkuja ine a·dokni Congress dol parakataha.Congress dolba Tura parliamentary seat-o susana miksonganirang dongani gimin Tura seat-ko TMC-na on·aniara katta nakatja aro iani bidingo uamang, ma·mongni Congress dilgiparangna u·iatmanaha ineba a·doko Congress dolko dileng-giparang parakataha.
“INDIA bloc-ni gisepo songgigrikanirangko New Delhi-osa dakengani gimin anga an·tangde iani bidingo name ma·sija indiba Meghalaya a·dokni Congress dolde, a·dokni Lok Sabha seat damgnion susana miksongenga. Indake ong·genchimoba, ia pilakan high command-ni nangnikani gitasa ong·ai-gen,” ine Shillong-ni Lok Sabha MP aro Meghalaya Pradesh Congress Commit-tee (MPCC)-ni president Vincent H Pala parakataha.
TV-rango koborko on·ani gitade, Assam-ni Lok Sabha seat damsa aro Meghalaya a·dokni Tura seat-ko TMC ra·enba, West Bengal a·dokni seat dam-gittamko Congress dolna on·skana gita ma·mongo songgigrikani-rangko dakengachim.Rahul Gandhi-ni dak-dilenggipa Bharat Jodo Nyay Yatra-chi ia election-na maming nangchakea-niko ra·bajawa ine NPP-ni agangipa kattarangni gimin janapat-skaengon, ia re·jomaniko Robibar salosa a·ba-chengataha indiba ia re·jomanio bang·bea man-derang bakko ra·engani gimin ian nangchakeani-kode ra·baani gita ong·-enga ine MPCC-ni presi-dent aganaha.
