SHILLONG: Meghalaya Sorkari,Ward’s Lake (Nan Polok), Shillongo damsa attamni bajar-ko January 19 tarikoni mikkang 31 March, 2024 tarikona attam 5 bajioni walni 9 bajiona Sombaroni Sonibarona kulina gita miksongenga.
Attamni bajar-an a·gilsak gimikon tourists ba songre-songbatgiparangko salbata, ian economy-ko tang·doatna dakchakasan ong·aija, songdonggiparangna namgipa janggi tangani gadangko on·a. Ia project-ara Meghalaya Tourism Department-ni a·bachengatgipa ong·enga, jekon Meghalayan Age Ltd jako ra·gen.
Ia Evening markets ba attamni bajarrang, ong·ronggipa bajardamoni dingtang ong·gen, jeon cha·ani, arts, craft, music aro gipinrang donggen. Unagreba sokgiparangko kusi ong·atani dokkanrangba donggen, iano joltangni bading-chiwalgiparangna, watachenganiko dakgiparangna, game cha·giparangna aro gipin artist-rangna namgni ong·gen.
Music-ko attamantian Meghalaya Grassroots Music Project (MGMP)-ni gita dakanggen.
Evening market-ona pilakan re·bana man·aigen aro tikitrangko Ward’s Lake Gate 2 aro 3-gipao man·gen, aro sakprakna Gong 100 nanggen. Bilsi 10-na komigipa bi·sarangnade tikit nangjawa.
