SHILLONG: Union Home Affairs Ministry-ni ge·-etanirang gita aro India-ni niam aro bidikni dongiminni gisepo HNLC baksa agangrikna sorkari cholko on·kuenga ine Meghalaya-ni Governor, Phagu Chauhan aganaha.
India-ni 75-gipa Repu-blic Day-ko maniao uni aganao a·dokna pangkam-gipa tom·tomaniko ra·bana sorkari ku·rachakenga ine ua aganaha.
Re·anggipa bilsimitingo a·doko niam aro retini obosta tom·tomenga, Meghalaya aro Assam-ni gisepo golmal dongenggipa sima-ariko namatna sorkarini kam ka·anirang chu·sokroroba-engaha, ua aganaha.
“Meligrikgijagipa dam dok sima-ari a·jolrangna March 2022-o memoran-dum of understanding-ko itihaso soi ka·na man·aha, a·dokni ning·ni sima-ariko bak dakna survey ka·ani-rangba chu·sokbaengaha,” ua agandapaha.
Home (Police) Depart-ment district-ni gita police infrastructure aro Police Housing-ko bilakdapata-niko u·iatao Fire Emergency Service-rangko bilakatani skanggipa dakgni kam ong·a, donsoa somaio 3,000 ong·nasipilgipa bangbang ong·e dongeng-gipa post-rangna rim·ani kamkoba matchotatgen, ua aganaha.
Dhaka, Bangladesh-o February 16 2024-o U Tirot Sing-ni kimmako oprake on·gen aro Deputy Chief Minister-chi dilenggipa chugipa gadangni delega-tion aro and comprising of a·gpi cabinet minister-rang, official-rang, jatni skotongrang, skigiparang, artist-rang, civil society member-rang aro kobor ra·timgiparang Meghalaya a·dokni oprake on·ao dongpagen, ua aganaha.
