SHILLONG: Meghalaya a·doko aro mongsongbate a·dokni skotong Shillong songjinmao anti gimik mikka sime dongangani ja·man da·o a·doko mikkarang waani cholrang donga ine Indian Meteorological Department (IMD)-oni u·iataha.
IMD-ni state in-charge Thangjalal Lhouvum-ni u·iatani gitade, a·doko mikkarang waangani ja·man, ia jolrango adita ding·anirang sokbaskaani cholrang dongengaha.
February-ni 1 aro 2 tarikrango, a·dokni South West Garo Hills, West Garo Hills, South Garo Hills, North Garo Hills aro East Jaintia Hills a·jarango mikka kimani cholrang donga ineba IMD official parakataha.
Meghalaya a·doko January-ni 18 tarikon 3 degree Celcius ong·e sin·batsranggipa sal ong·aha ineba Lhouvum parakataha.
“Aramrang dinanichi sin·a barianganiko champenga gita ong·aha aro da·o mikkarang waangani ja·mande ong·rongbewal gitan somoirangko nikna ka·dongenga,” ine IMD official parakataha.
