SHILLONG: Ia changde Meghalaya Legislative Assembly-ni budget session-ko February 16 tarikonin a·bachengatna sienga aro budget session-ko komibeoba sal 10-na ong·atangnaba gnang.
Batanggimin bilsirangode Meghalaya Assembly-ni budget session-ko March jaosa ong·atrongachim indiba ia bilsiode Lok Sabha election dongani gimin budget session-ko seng·gnangkale ong·atskaenga.
Official-rangni u·iatani gitade, Assembly-ni Budget Session-ko February 16 tarikoni a·bachengatna tik ka·ahaon, budget session-ni calendar-ko Business Advisory Committee, February-ni 2 tariko Assembly Speaker-ni office chamber-o tom·enba tik ka·anggen.
Business Advisory Committee-ni tom·aniko Assembly Speaker Thomas A Sangma dilanggen aro ia tom·anio, Parliamentary Affairs Minister Prestone Tynsong, Opposition dolni dilgipa Ronnie V Lyngdoh, Charles Pyngrope aro Lahkmen Rymbui-ba bakko ra·anggen.