AMPATI: International Water Conclave 2024-na tarisamsoani bak gita Bristibar salo, South West Garo Hills a·jani Water Resources department, dingtangmancha district level painting competition-ko Ampati-ni Springfield Higher Secondary School-o ong·atangaha aro ia painting competition-o dingtang dingtang skulrangoni aro a·jao songdongenggipa manderangoniba gimik sak 34 manderang bakko ra·angtokaha.
Ia painting competition-ko dingtangmancha ‘Water Conservation’ pangchakaniko done ong·atangaha aro ia painting competition-o bakko ra·gipa manderang, ia pangchakanio an·tangtangni changa gita noksarangko saltokaha.
South West Garo Hills a·jao salsusagipa noksarangko da·o judge-rang nisusana gita Shillong-ona watatgen aro ia district level-o chegipa sakgittam manderang, state level-o bakko ra·na gita seokako man·angskakugen.
Ia International Water Conclave 2024-ni bak gita dingtang dingtang program-rangkoba ong·atenga aro uandaken Sukrobar salo, South West Garo Hills a·jao donggipa dingtang dingtang chiring chibisik aro pokkrirangko jinma rongtalatangskagen.
Uni ja·man Sonibar saloba Nature & Nurture Quiz Competition-ko Springfield Higher Secondary School-o ong·atangtaigen ine u·iataha.2
Int’l Water Conclave-ni bak gita SWGH-o painting competition-ko ong·ata
Date:
Share post:
