SHILLONG: Meghalaya a·doko Bharatiya Janata Party (BJP) Meghalaya Pradesh-ni Scheduled Tribe (ST) Morcha-ko January-ni 31 tariko songaha ine ST Morcha-ni president Thomas Marak parakataha.
Ia ST Morcha-ko songani ja·man, a·dokni pilak songrangona sorkarini kamrangko sokatna gita ma·mong sorkarini ra·gatgipa ‘Gaon Chalon Abhiyan’-ni bak gita dingtangmancha ‘Vocal for Local’ program-koba ST Morcha-ni president a·bachengate on·angjolaha.
Marak-ni parakatani gitade, a·doko donggipa Tribal chadamberangni namgnina kamrangko ka·na man·na gita ia ST Morcha-ko songaha.
Ia ST Morcha-ko songani somoio, BJP Meghalaya-ni state president Rikman G Momin dongpae bakko ra·angenba, ST Morcha-ni officer bearer-rang, district president aro district committee-koba BJP-ona rimchaksoangaha.
“Chingni a·bachengatgipa program-ni bak gita chinga a·dokni Tribal-rangna namgnirangko ra·bana dingtang dingtang songrangona wenanggen aro ma·mong sorkarini ra·gate on·gipa scheme-rangko sokatna gita manderangna talatanirangko on·anggen,” ine ST Morcha-ni president Thomas Marak parakataha.
