SHILLONG: BJP aro NPP, MDA sorkario dol ong·naba gnang, indiba saffron party re·baenggipa Lok Sabha poll-o NPP baksa dol ong·jawa.
Anga re·baenggipa election-na NPP baksa dol dakna maming nangnikaniko nikatja,” ine BJP-ni palo agantimgipa M Kharkrang aganaha.
Ua agana, BJP aro NPP, MDA 1-o apsan dol ong·aha, indiba assembly election-ni somoio dolgnian saksa sakgipinni kosako matnanggrikaha. Indiba ua result-ko man·ani ja·man BJP, NPP-na MDA Government 2.0-ko rikna dakchakaha aro ge-2 party-an dol dake kam ka·angkuigen. Apsan somoio Kharkrang, re·baenggipa Lok Sobha poll-na candidate-ko parakatanio ja·man chakani giminba chelchake agana, candidate-ni bimingko ia jaani gisepon parakataniko dakgen. Ua agana, bang·a manderang party-ni ticket-ko man·na susatokaha. Indiba a·dokni party, ticket-na galgipangni gimin ma·mongni dilgiparangna talatkujaenga, maina uamangba iani bidingo maming sing·ataniko dakkujaenga, ine ua agandapaha.
