SHILLONG: Ia bilsini Lok Sabha election-o United Democratic Party (UDP), bilakbate kamrangko ka·na man·engani gimin aro batanggimin result-rangko nie, cholrang nambatenga ine UDP-ni general secretary Jemino Mawthoh parakataha.
“Skangode an·ching result-rangko agansona man·aiachim indiba da·ode iandake ong·jaha. Ia changode political dolrang bang·dugaahani gimin vote-rang priprabataha aro result-rangko agansona man·jaha. Indiba UDP-nade ia chang cholrang nambatskaenga maina biaptangon bilake dongna man·enga,” ine Mawthoh aganaha.
Mawthoh-ni parakatani gitade, Khasi aro Jaintia Hills-ni dingtang dingtang constituency-rango UDP, bilakgipa pangchakanirang dongmanaha aro ian da·o Lok Sabha election-na dakchakani ong·enga.
“Batanggimin chang election-o chinga badita vote-rangko man·aha aro badita sak MLA-rang cheaha, uko niataibo. Unbaksana chingo da·o HSPDP-ni MLA sakgni aro MDC-rangba dongkuenga. Meghalaya a·doko UDP, ru·uta bilsirangonin dongahani gimin dingtang dingtang constituency-rango ja·dil su·aha,” ine UDP-ni general secretary aganaha.
Shillong Lok Sabha constituency-o UDP aro Hill State People’s Democratic Party (HSPDP) dolrang, Regional Democratic Alliance (RDA)-ni ning·o Robertjune Kharjahrin-ko common candidate dake seokenba susaatengachim.
