Wednesday, February 5, 2025
spot_img

108-o kam ka·giparangna 6%-chi dormaha bariatchina dabianiko chu·sokatgen: Health Minister

Date:

Share post:

spot_img
spot_img

SHILLONG: 108 Emergency Service-o kam ka·enggipa manderangna 6 percent-chi dormaha bariatchina dabianiko ta·raken chu·sokatna sorkari jotton ka·gen ine Budbar salo, a·dokni Health Minister Ampareen Lyngdoh ku·rachakaniko on·ataha.

Budbar salo, Meghalaya EMRI Workers Union-ni membor-rang baksa tom·e chanchirimani ja·man, iako a·dokni Health Minister, kobor ra·timgiparangna parakataha.

Iani bidingo antignimangna skangsan, EMRI Workers Union-ni membor-rang, uko gronge agangrikeaha ine janapatengon, skango EMRI-ko chalaianggipa company-an uamangni contract-o pangchake ia pilak niamrangko tarina nangachim ine Lyngdoh aganaha.

“Da·o dipet chinga 108 Service-ko chalaina gital company-ko seokanio tender on·anio chu·sokna man·kujae, 108 service-ko company-na pakwatna man·kujaenga,” ine Lyngdoh aganaha.

Indake ong·genchimoba, 108 Emergency Service-o kam ka·enggiparangna uamangni dormahako 6 percent-chi bariatna sorkari ta·raken kamko ka·gen ine Health Minister, ku·rachakaniko on·ataha.

108 Service-o kam ka·enggiparang, badita sal chutti man·na nanga aro uamangna mai dakgipa niamrangko donna nanga, iarangkoba ua jako ra·e nirokatgen ineba ua parakataha.

“Tender on·ani kamko da·o jasa ba jagnini gisepon matchotatna anga ka·dongenga,” ineba ua aganaha.

Health Minister-ko grongani ja·man Meghalaya EMRI Workers Union-ni president Roykupar Kharaswai, kobor ra·timgiparang baksa agangrikskaengon, 108 Service-o kam ka·enggiparangna dormahako kamni bilsini kri komibeoba 6 percent-chi bariatna sorkari ku·rachakahani gimin uamang kusi ong·a ine parakataha.

Meghalaya EMRI Workers Union-ni tom·anio pilak membor-rangan ia dormaha bariatna ku·rachakaniko kusi ong·e ra·chaktokaha ineba Kharaswai parakataha.

spot_img
spot_img

Related articles

Maha Kumbh: PM Modi takes holy dip at Sangam

New Delhi, Feb 5: Prime Minister Narendra Modi took a holy dip at Sangam on Wednesday after he...

Chelsea edge West Ham in thrilling London Derby

London, Feb 4: Chelsea staged a dramatic comeback to secure a vital 2-1 victory over West Ham in...

Spurs defender Dragusin suffers injury

London, Feb 4: Tottenham Hotspur defender Radu Dragusin is set to miss the rest of the season after...

Man City, PSG and Aston Villa go big in the winter window

Transfer deadline day London, Feb 4: Manchester City and Aston Villa made big moves just before the midseason transfer...