AMPATI: An·seng baljokaniko on·ani kamrang, mongsongbate Maternal Death Review (MDR), Child Death Review (CDR) aro uandakgipa kamrangko nipilna gita Bristibar salo, dingtangmancha tom·aniko, South Garo Hills a·jani Ampati-o donggipa DRDA Conference Hall-o ong·atangaha aro ia tom·anio dingtangmancha Pulse Polio Immunisation (PPI)-ni giminba Dr Noreen Sangma-ni dilanichi niangjolaha.
Ia tom·aniko South West Garo Hills a·jani Deputy Commissioner RP Marak dilangaha aro tom·anio Medical & Health Officer-rang, Block Development Officer-rang aro gipin officer-rangba bak ra·angtokaha.
Ia tom·anio, an·o donggipa me·chikrangni an·pakani somoirango aro bi·sa bakgitchakrangni sianirangko SWGH a·jani Maternal & Child Health Officer, jinmana agan-talate on·angaha aro unbaksana Integrated Child Development Service (ICDS)-ni ning·o donggipa Infant Protection Act (IPA), Pradran Mantri Aarogya Bharat Yojana gita dakgipa program-rangni giminba chanchirimangaha.
Ia tom·anio, Tura DEIC-ni Child Specialist Dr Sengseng R Sangma-ba jinmana aganprakengon, sagiparangna somoi gita aro tik ong·e samrangko on·na nangani gimin namgipa hospital-rangko nangani gimin aro uandakgipa dingtang dingtang nanganirangko janapangaha.
